المخبز بنين و يذوب في الفم

السلام عليكم ورحمة الله تعالى وبركاته

وصفة لمخبز خفيفة و تذوب في الفم

المقادير مع طريقة التحضير

3كيلات لوز
بكيلة سكر عادي
زائد قشور حبة قارص
و شوية فاني
و 2 صفار بيض وبيضة كاملة
و نخلط مليح حتان تتلم مليح و نحطهم بجنب باش تتشرب و تشد روحها

القلاصاج
شكارة سكر قلاصي نغربلوها مليح و نحطوها في طبسي غميق
و نحفرو حفرة صغيرة في النص نديرو فيها بياض بيضة و عصير حبة قارص
و تخلطي بمغرفة تاع حطب تبداي من الحفرة الصغيرة
و تخلطي بالشوي و دخلي السكر في الحفرة باش يذوب
و كي يذوب السكر ديري مغرفة زيت باش يجيك لقلاصاج يبرق
و من بعد تبداي تخدمي لقلاصاج من التحت للفوق
دخليلو لهوا و زيدي بالقطرة ماء زهر يارب 2 مغيرفات و لا 3 برك في الساشي تاع السكر قلاصي

و مبعد كي طيب خليها تبرد مليح و مبعد حطي شباك فوق لبلاطو
و حطي لمخبز تاعك و هزي بالمغرفة القلاصاج و غطي الحبة و خليها شويا باش يهبط لقلاصاج
و تقدري تلوني لقلاصاج تاعك باي لون حابة

هاوليك كيفاش جاء

منقول لعيونكم

المخبز بنين و يذوب في الفم

المخبز بنين و يذوب في الفم

رد: المخبز بنين و يذوب في الفم