صريح جدا .. مع فيصل ..

فيصل : واش رايك في إمرأة رئيس بلدية ؟
الزوالي : نورمال صاحبي ؟
فيصل : ما تنساش (لعن الله قوما حكمتهم امراة ) ؟!
الزوالي : وانت ثاني ماتنساش في ذاك الوقت كان كاين الرجال ( أبو بكر ، عمر ، وعثمان ...)
بصح اليوم ..............؟؟!!
..
.

فيصل : ماهي المشاكل اللي عندكم ؟
الزوالي : رانا مغبونين بزاف ما عندنا لا خدمة لا سكنى لاطريق ..
فيصل : واش تطلبو من المسؤولين ؟
الزوالي : نطلبو من المسؤولين يبنولنا سطاد باش نلهاو شوي مع البالون وننساو هذا المشاكل .
...
..
.

فيصل : هولاند راه يقول فرانسا لن تعتذر على جرائمها في حق الشعب الجزائري
،
واش رايك يا الزوالي ؟
الزوالي : وهل المجرم عنده أخلاق وإنسانية حتى يعتذر ؟؟!!
..
.

فيصل : راهم يقولو في الأخبار coup de circuit سبب حريقا في بريد الجزائر بمناسبة زيارة رايس فرانسا للجزائر ، واش رايك يا الزوالي ؟
الزوالي : هذا الكو دو سيركوي ذكي جدا باين عليه قاري وفاهم مشي كيما الغاشي الراشي تاع دزاير اللي راح يشطح ويردح مثل القرود للحصول على القروش مقابل الخزي والعار والذل في بلد العزة والكرامة ..
آآآآآآآآآآه يا جزائر كم تمنيت ان يكون فيك ملايين من الكودو سيركوي ليشفى غليلي ..
.
.

حتى خيوط الكهرباء صارت مريضة مثلنا تعتقد بأن الأخر الفرنسي عدو مطلق,وهذا الاٍعتقاد سيدفع ثمنه الفقراء.وفي رأي اللعبة التي تنسج الأن هي تأسيس اللوبينغ البرجوازي والرأسمالي الجزائري الفرنسي,لأن الشعب الجزائري يهدد مصلحة فرنسا والجزائر معا.لأن الدولة الجزائرية مرتبطة بفرنسا أكثر مما هي مرتبطة بالشعب الوهم.على الأقل في نظرهم يجب تغيير ذهنية هذا الشعب المريض بهوس العدو"كل من يراه يعتقده عدوا".شعب أفلاني عنيف وبدوي تحركه عقول مفرنسة مبرمجة وغير واعية بذاتيها تحت حماية أبوية فرنسية.

العجيسي كتب:حتى خيوط الكهرباء صارت مريضة مثلنا تعتقد بأن الأخر الفرنسي عدو مطلق,وهذا الاٍعتقاد سيدفع ثمنه الفقراء.وفي رأي اللعبة التي تنسج الأن هي تأسيس اللوبينغ البرجوازي والرأسمالي الجزائري الفرنسي,لأن الشعب الجزائري يهدد مصلحة فرنسا والجزائر معا.لأن الدولة الجزائرية مرتبطة بفرنسا أكثر مما هي مرتبطة بالشعب الوهم.على الأقل في نظرهم يجب تغيير ذهنية هذا الشعب المريض بهوس العدو"كل من يراه يعتقده عدوا".شعب أفلاني عنيف وبدوي تحركه عقول مفرنسة مبرمجة وغير واعية بذاتيها تحت حماية أبوية فرنسية.

صحيح في هذا البلاد صار كل شي مريض

وأنا شخصيا لما سألت الزوالي وقلت له واش بيك تهدر كيما هكذا ؟
قال لي شوف بيني وبينك ، بصراحة راني مرييييييييض ومغودد ، انا نحب فرانسا كون نصيب الفيزا ضرك نهجرمن بلاد الحقرة والرشوة و...والنفاق الإجتماعي الذي اصبح فيتامين سي يشبه الأقراص المهلوسة يخليك تهدر وتهذي ..
..
.

حوار صريح ورائع، ومن الممكن تطوير الفكرة يا أخي فيصل كأن يجرى حوار مع أحد الأعضاء كل مرة ليفتح بعدها نقاش، فكرة جديرة بالتجسيد يا الزوالي

فيصل : في رايك لماذا تقول الحكومة للشعب أن بوتفليقة في صحة جيدة وتظهر له صورا قديمة وتقرأ للشعب مايقول عوضا عنه ؟
الزوالي : ربما بوتفليقة ما عندهش بورطابل يهدر فيه ؟ أو ربما أو كوناكسيون الأنترنت مقطوعة في فرانسا ؟؟ في الحقيقة سؤال يجنن !!!؟؟؟
زويويل ( إبن الزوالي ) : الجواب ببساطة ، هو أن هذا الشعب المزعج اللي ما ماتش بالجوع والمرض تريد له الحكومة أن يموت بالضحك ..
.

الفنان الموهوب هو الوحيد الذي يعرف كيف يتعدد الى شخصيات لا نهاية لها.شيء رهيب أن يعي المعني شخوصه,كما يفعل فيصل مع مشاعر الزوالية المختلفة التي تسكنه.

العجيسي كتب:الفنان الموهوب هو الوحيد الذي يعرف كيف يتعدد الى شخصيات لا نهاية لها.شيء رهيب أن يعي المعني شخوصه,كما يفعل فيصل مع مشاعر الزوالية المختلفة التي تسكنه.

فيصل ماهو إلا فاصلة ( ، ) زوالية تبحث عن مكان تستقرفيه بين الجمل والكلمات ولكن هيجان الكلمات أحيانا وسكونها أحيانا أخرى كما في واقعنا الإجتماعي تماما ، يجعل هذا الإستقرار شبه مستحيل ..
شكرا لكم سيدي العجيسي