أخاف أن أفرح.....

أخاف أفرح ...
ولا اقدر في سواد الوقت..
أكمّلها ..
أخاف أفرح ..
وتنسى فرحتي الفرحة ..
وتذكر لوعة الحرمان ..
أخاف افرح ..
واذا جيت ابتسم غصّت ..
بقلبي آخر البسمة ..
وسالت دمعتي حيرة ..من الأيام .
أخاف أفرح ..

وش الي بعد يفرحني ؟
في وقت ما لقيت الي يكلمني ..
في وقت ما لقيت اردى من الخلان في الشدة ..
ولا شيء يبي يردّه ..
إذا ملّك... من النسيان ..


وش الي بعد يسليني .؟
اذا كانت سلاة العالم العصيان ..
أغاني ..
وكلّ شي عاري ..
عسى الله يكسر الطغيان .

واذا شافوك في لحظة ..
تصد...
قالوا كفاك اوهام ..
ترى الوسواس عاد اكبر !
وترى كله بلاد إسلام ..

واذا شافوك في غفلة ..
تعطي هالعجوز السائلة عشرة ..
تكلم بنت جيرانك عن الايام وش سوت ..
بأبوها في سرير الموت ..
تنشد عن قريبة غايبة ..وإلا ..
تعالج أم تعبانة ..
تسلم في العمل " صباح الخير يافلانة "
قالوا هالمليعين اتضح قصده ..
وبان الحين عنوانه ..
أجل وين الي تسمونه بلاد إسلام ؟؟

ايييييييه أخاف أفرح بهالدنيا ..
ويقولون الفرح شيطان ..
وأخاف امشي ويضيع الدرب من عيني ..
وتبقى دمعتي ..
وغصة شراييني ..


وأتنازل عن الفرحة ..!!