صرخة مواطنين ..إلى السيد الوالي..

سيدى الوالي

الرشوة راهي دايرة حااااااالة في بلديتنا

يا سيدى الوالي

غير قولنا إذا راك عالم بها وراك عاجز عن محاربتها ؟؟؟ااا

يااااااااااا سيدى الوالي

احنا ما خصناش ليقولنا صرفنا الملايير على المشاريع
هذا رانا عارفينه وحافظينه

احنا اللي راه محيرنا كيفاش ما راك تقولنا أن هناك ملايير راحت في الرشوة
.................
اللي يعطوه مشروع لازم يدو له جزء من المبلغ رشوة باه يقبلوله الدوسي
وحتى المواطن الزوالي اللي عنده حق في التدعيم بالسكن الريفي يشيطوه حتى يمد الرشوة
..............
وربما تقول الدولة قايما بالواجب إذا كان المواطن بلغ على الرشوة و طبعا لازم بعد ما تطلبو منه الدليل وهذا مستحيل لأن للرشوة فنون وجنون وبمخططات رهيبة أكبر من مخططات الدولة البائسة واليائسة لأن المشاركون في التخطيط للرشوة مندسين في هيئات الدولة التى من المفروض أنها تحارب الرشوة
...........
ولهذا نطلب من السيد الوالي قبل صرف الملايير أن يفكر في إعداد مخطط من طرف مختصين ذوي كفاءات وموثوق فيهم لحماية هذه الأموال من المتربصين بها اللي قاعدين يستناو الفرصة ويخططو لنهب الملاييرعن طريق سيستام (( الرشوة ))
.....
شكرا سيدي الوالي
....
هذه صرخة مجموعة من المواطنين إلى السيد الوالي
نقلها لكم حرفيا فيصل الزوالي
.....