عاجل / حلوة البنين من عمل اختكم النورس

السلام عليكم اعضاء مستغانم كوم ليوم راني جبتلكم حلوة البنين من صنعي
نبدأ على بركة الله
اولا نحتاج الى

-كمية من قاطو بيمو مرحي مليح مش رطب فرينة ومش خشين .
-كمية من حلوة الترك.
-كمية من الكوكاو المحمص والمرحي .
عسل +زبدة لجمع الخليط او نيسلي .

ادا استعملتو علبة بيمة كاملة تاخدو هاد المقادير :
علبة بيمو +علبة شامية 100غ+250كوكاو محمص مليح ومرحي +عسل +زبدة
**التحضير
: في كيفات نحط البيمو المرحي + الشامية +الكوكاو ونخلط مليح ثم نبدا ضيف
في قطع الزبدة وندخلها في الخليط ثم نزيد عليهم العسل او النسيلي بشوية حتى
نتحصل على الدوق
المطلوب وهنا حسب الرغبة ليحب حلو يزيد عسل ولي لالا يعملو متوازن لانو راح يتغلف بالشيكولا .
*لتحب تعمل هاد المقادير راح تتحصل على كمية كبيرة نوعا ما وكتجربة خودو هاد المقادير:
كاس بيمو مرحي نكيل بكاس نتاع 250مل + ربع كاس او حولي 3 مغارف حتى 4 كوكاو +2 مغارف شامية

وهادي صورة العقدة



وهنا راني استعملت لي مول نتاع السليكون
راح ندوب شيكولا على حمام مائي ثم نعمل طبقة سميكة على القوالب ونخليها تنشف ونزيدها طبقة اخرة هكا باه نتفادو تكسرها .
نعمر القوالب بالحشو ونعاود نغطيها بالشيكولا وندخلها تبرد .

صور ليمول نتاع السلكون





و هادي صورة الشكلاطة



و هادي صورة بعد ما حطيت الشيكولا في القالب وبردت



و بعد هاد الخطوة نعمرو بالعقدة و نغطو بالشكولاطة



و هادا كله الاخير











و في الاخير نتمنى يعجبكم و لا تشوفو وترو حطو رد والي ما يحطش رد ما ياكل اوك هههههههههه
تحيات ختكم النورس

و الي عندو اي سؤال يقولي

واش مكاننش رد ؟؟؟

بارك الله فيك تحفة