بعض النكت الجزائرية 100/100

-------------------------------------------------------------------------------------------

قالك وحد المرة نصرة الله تاع حزب الله قال في خطاب على قناة المنار لإسرائيل سنضرب معسكركم
لغدوة ناس معسكر كامل رحلو لوهران

--------------------------------------------------------------------------------------------

قالك وحدة طلقت شعرها هرب . وواحد جرات كرشو ماحكمهاش . واحد تقلق مات . وواحد صبر إنفجر . وواحد تقلق عطاولو طوموبيل زاد تقلق نحاوهالو عند روحو كيما يزيد يتقلق يعطيوه طوموبيل وحدة خلاف . ووحدة جات تسلك شعرها ما لقاتش الصوارد . واحد طاح عليه الليل كسرلو يدو .

--------------------------------------------------------------------------------------------

قالك وحد الخطرة بوتفليقة سب الرئيس الأمريكي فغضب بوش وقال لبوتفليقة خير بلاصة في الجزائر نقصفوها فإخترا بوتفليقة معسكر لغدوة جات الطائرات تاع أمريكا لما وصلوا لولاية معسكر لقاوها مغطية بباش كبير ومكتوب على الباش ولاية المدية .

-------------------------------------------------------------------------------------------

قالك واحد في العصور الوسطى حب يريد إكتشاف أمالا جاب كلب وعيطلو جا الكلب نحالو رجلو وعيطلو جا الكلب زاد نحالو رجلو الثانية وعيطلو جا الكلب وزاد قطعلو رجلو الثالثة وعيطلو ماجاش الكلب فقال ومن هاذ نستنتج أنه بعد قطع الرجل الثالثة للكلب يصبح أصم .

-----------------------------------------------------------------------------------------

قالك ثلاثة في الصحرا رايحين يموتوا من العطش واحد من الجزائر وفيه الطبايع تاع ليهود وواحد من المريكان وواحد من الصومال قالك وهوما يمشيو فالصحرا لقوا الفانوس السحري حبكوه خرجلهم الجن شبيك لبيك ألي تطلب بين يديك قالو تاع المريكان رجعني لبلدي ( خاطرش هو أصلا إ نسان مرفه ) قالو تاع الصومال رجعني بيض البشرة وزين وأعطيني ملايير الدولارات ( خاطرش مسكين زاولي وعندو خليقة الله يستر ) قالك بقا تاع الدزاير يخمم ومن بعد قالوا رجع الصومايلي كيما كان ولو نموتو هنا ...................

--------------------------------------------------------------------------------------------

قالك ثلاثة واحد جزائري مسلم وفيه الطبايع تاع ليهود وواحد مسيحي يعبد سيدنا عيسى وواحد هندي يعبد بوذا قالك قاعدين يتغاننو من هو ألي متبع الدين الصحيح ينطق الجزائري قالهم نطلعو لرأس الجبل ونتقارعوا ونسوطيو من الجبل وكل واحد يدعي مولاه قالك جات فالمسيحي هو الأول أمالا سوطا وقاعد يقول يا ربي عيسى منعني ياربي عيسى منعني قالك مامنعش ويجي علا راسو بممممممممممم قالك موراه سوطا تاع الهند وقاعد يرمرم بين شواربو ويقول يا بوذا منعني قالك من زهرو جا فايت وحد الكاميو تاع التبن طاح فيه منع قالك الجزايري خدمتلو كيفاه منع وهو وهندي ويعبد بوذا ويسوطي الجزائري ياربي منعني ياربي منعني (يعني نجيني ) ( وهو كان مكتبلو ربي سبحانو يموت في هاذاك النهار ) قالك بقا يقول يا ربي منعني يا ربي منعني يا ربي منعي قالك قرب من الأرض وما كان والو يعني لا كاميو لا والو ههههههه هز راسو للسما وقال يا بوذا أنا خوك

------------------------------------------------------------------------------------------------

قالك واحد سقسى واحد ثاني قالو واش أسمك قالو عبد الجبار قالو وخوك الآخر قالو عبد الجبار قالو وخوك الآخر قالو عبد الجبار حار الواحد الأول وقال آو أنتوما كامل سمكم عبد الجبار نطق ليه الثاني وقالوا لا كاين خويا مصطفى إسمو عبد الكريم .

------------------------------------------------------------------------------------------------

قالك وحد الخطرة وحد الطفل كل ما يروح لمول الحانوت يقول عندك البطاطا يقول إيه يقولو أعطيني زوج كيلو طماطم و خطرة قالو عندك الصابون قالو إيه قالو أعطيني 3 دانون وخطرة قالو عندك الحلوة قالو إيه قالو أعطيني فلاش كبير أمالا تغشش مول الحاونت وقالك والله نقول لباباه راح عندو وقالو بنك يقولي عندك البطاطا نقولو إيه يقولي أعطيني زوج كيلو طماطم و خطرة قالي عندك الصابون قلتلو إيه قالي أعطيني 3 دانون وخطرة قالي عندك الحلوة قلتلو إيه قالي أعطيني فلاش كبير نطق الأب تاع الطفل وقالو لمول الحانوت عندك الذرع تاع البالي قالو هيه قالو أعطيه زوج كفوف .

-----------------------------------------------------------------------------------------------