معاك يا الخضرا

يافريقنا اتكلوا على ربي وسمو بالرحمان**ارفعولنا راسنا ونكونو خير الاوطان
يوم الاربعاء 18 نوفمبر 2009 في السودان**بلادنا الجزائر يا ربي انصرها سكارة في العديان
يا حي يا قيوم املأ قلوب منتخبنا بالأيمان**بذكر اسمك العزيز في وسط الميدان
يا بر و يا رحيم زيدهم قوة على قوة ويشرفو رابح سعدان**يكونوا ابطال العالم سمير زاوي ورحو سليمان
يا ذا الجلال والاكرام يا غني ويا مغني**اجعلهمفي الوسط خير الأمور كريم زياني عامر بو عزة مراد مغني
بلادنا يا الخضرة ينورك ربيفي كل مكان**بمشيئة الاله نربحو كيما ربحنا على الالمان
اجعل اولادنا عبرة واحسن الشبان** يغلبوا مصر و بوتفليقة يقول بلادي جابت فرسان
جزايريين مش مصريين لاظلم ولا حقرة حنا رجال**ما نضربوا ما نسحروا نشاء الله نكونوا أبطا ل
مصر 3 حروف الميم مغلوبين الصاد رانا عنكم صابرين والراء رانا غير البيت لي مسجلين
ما تقولوش عنا خوافين مع الحق وبربي رابحين
يا قادر يا مقتدر اعطيهم الصحة مع الكوراج**مجيد بوقرة رفيق حليش عنتر يحي ونذير بلحاج
موتي يا مصر غير البيت عمر زكي ما يسجلوش**التسجيل من عند عبد القادر عيفاوي ورضا بابوش
البيت وراء البيت بربي ما نحبسوش**جربو تشوفوا غير على الوناس قواوي ما تمركوش
طالعين في لقراد راكم تشوفو الرجال **همة ولعب فور عليكم رفيق صايفي و عبد القادر غزال
كريم مطمور وكمال فتحي رفيق جبور يديروا الموحال** يزيد منصوري ياسين بزاز حسن يبدا وما ننساوش عبدون جمال
حنا الجزائريين نحبوا الصادر مش الوارد**حقنا ندوه بيدنا راه يوريكم لموشية خالد
مليون ونصف شهيد على بلادها ما عاونها حتى واحد**انصرنا ياربي واوقف معنا باذن الأحد الواحد
مازال حلمنا نحقوه في المونديل**يا الله اوقف معنا كيما وقفة الاستقلال
سكارة في مصر ندوها ويعرفوا عندنا رجال**تعبنا ربينا علمنا دربنا طلعنا أبطال
جزائر عليك قلت ابسط هذه الكلمات**افهموها يا شعب في هذه الابيات
خلاص من الحقرة وكثرة الاهانات**فرحنا ياربي ونحقو الأمنيات
أرفعوا يديكم للمولى وكثروا من الصلوات** قولوا معايا اللهم آمين يا مجيب الدعوات

__________________
الكل راه يشجعكم حتى اولادي زينب ورائد تتيات

تحياتي

يا ام زينب ان شاء الله ربي يحقق احلامنا,تحية لمواقفك الثورية....

معاك يا الخضرا

معاك يا الخضرا

رد: معاك يا الخضرا